1:41 PM Оюутнуудын тамхины хэрэглээ, дам тамхидалт, тамхины хор уршгийн талаар мэдлэг хандлагыг үнэлсэн дүнгээс | |
 Оюутнуудын тамхины хэрэглээ, дам тамхидалт, тамхины хор уршгийн талаар мэдлэг хандлагыг үнэлсэн дүнгээс
НЭМ-н сургуулийн оюутнуудын тамхидалтын байдал, дам тамхидалт, тамхины талаарх мэдлэг хандлагыг нэгэн агшны дескриптив судалгааны аргаар хийлээ. Судалгаанд урьдчилан боловсруулсан 3 бүлэг 33 асуулт бүхий асуумжаар асуумж судалгаа авч судалсан болно. Судалгааны материалыг SPSS-15 программ ашиглан статистик боловсруулалт хийж үр дүнд үнэлгээ хийлээ. Судалгааны хамрах хүрээ Судалгаанд ЭМШУИС-ийн Нийгмийн Эрүүл мэндийн сургуулийн НЭМ судлалч, ЭМНА, ЭМЭЗ-ийн ангийн 1-5р курсийн 166 оюутан хамруулж судалгааг явуулав. Үр дүн Судалгаанд 1-5р курсын 17-32 насны 166 оюутнууд хамрагдсан бөгөөд хүйсний байдлаар авч үзвэл эрэгтэй 21.7%, эмэгтэй 77.1% байна. НЭМС-ийн оюутнуудын тамхидалтын байдлын судалж үзэхэд судалгаанд хамрагдсан нийт оюутнуудын 7.8% нь тамхи татаж байна. Тамхи татдаг оюутнууд өглөө босоод өлөн элгэн дээрээ 61.5%, хоол идсэний дараа 23.1%, бусад үед 15.4% тамхи татдаг байна. Тамхи татдаг оюутнуудын гэр бүлийнхэн, ойр дотныхон тамхинаас гарах талаар зөвлөдөг эсэхийг судалж үзэхэд заримдаа 30.8%, үргэлж 61.5%, ховор тохиолдолд 7.7% нь тамхинаас гарах талаар зөвлөдөг байна. Тамхи татдаг оюутнууд 100% тамхинаас гарах бодолтой байгаа дүн гарсан. Дам тамхидалтад өртөж байгаа байдлыг судалж үзэхэд судалгаанд оролцогсодын 87.3 % нь дам тамхидалтын талаар мэднэ гэж хариулсан байна. Судалгаанд оролцсон ниит оюутнуудын 50.6% нь гэрт болон оюутны байранд тамхи татдаг хүнтэй амьдардаг байна. Тэдний 29.6% гэр сууцандаа тамхи татдаг. Монгол улсад олон нийтийн газар тамхи татахыг хориглосон хууль байдаг талаар судалж үзэхэд нийт оюутнуудын 40.4% энэ талаар хууль байдаг гэж хариулсан байна. Ихэнх үйлчилгээний газруудад тамхи татахыг хориглосон тэмдэг байдаг 39%, зарим цөөн үйлчилгээний газарт байдаг 54.2%, хориглосон тэмдэг огт байддаггүй гэж 6% нь тус тус хариулсан байна. Судалгаанд оролцогчидын 95.2% тамхины эрүүл мэндэд нөлөөлөх хор уршигийн талаар мэддэг ба 4.8% нь мэдэхгүй гэж хариулжээ. Дүгнэлт Нийгмийн эрүүл мэндийн чиглэлээр сурч байгаа оюутнуудын тамхины хэрэглээ 7.8%-тай, тамхи татдаг оюутнууд тамхинаас гарах хүсэл эрмэлзэлтэй байна. Судалгаанд оролцогчидын 87,3% дам тамхидалтын талаар мэддэг боловч тэдний гэр бүлийнхэн гэртээ (50.6%) тамхи татаж, дам тамхидалтын нөлөөнд өртдөг байна. Цаашдын НЭМ-ийн чиглэлээр сурч байгаа оюутнуудын дийлэнхи буюу 73% нь иргэдэд эрүүл мэндийн боловсрол олгох чиглэлээр ажиллах хандлагатай байгаа боловч Их сургуулийн сургалтын хөтөлбөрөөр тамхины хор уршиг, эрүүл мэндийн нөлөөний талаар авсан мэдлэгээ хангалтгүй гэж үнэлсэн байна. Цаашид НЭМС-ийн сургалтын хөтөлбөрт тамхи-эрүүл мэнд сэдвээр болон хууль, эрх зүйн чиглэлээр хичээлийн цагийг нэмэгдүүлэх нь зүйтэй байна. Иймд сургууль, албан байгууллага, гэрийн орчинд дам тамхидалтыг бууруулах, тамхигүй орчин бүрдүүлэх чиглэлээр санаачлага өрнүүлж, анхаарал хандуулж ажиллах нь зүйтэй байна. Хэлцэмж Залуучуудын дундах, ялангуяа эрүүл мэндийн мэргэжилийн Их сургуулийн оюутнуудын тамхины хэрэглээний талаар судалгаа бага хийгдсэн байдаг. Монголд улсад 2007онд "Дэлхийн тамхины хэрэглээний тандалтын тогтолцоо –Залуучуудын тамхины хэрэглээний байдал” судалгаагаар Нийгмийн эрүүл мэндийн чиглэлээр сурч байгаа оюутан, залуучуудын тамхины хэрэглээ, тамхидалт 19%-тай байгааг судалсан. Харин энэхүү судалгааны дүнгээр оюутнуудын тамхины хэрэглээ харьцангуй бага гарсан байна. Мөн дээрхи судалгаагаар Анагаахын сургуулийн оюутнуудын тамхины хэрэглээ өндөр гарсан байгааг цаашид анхаарч, ЭМШУИС-ын оюутнуудын дунд тамхидалтыг бууруулах, сургуулийн орчинд тамхигүй орчин бүрдүүлэх, эрүүл сургууль болох санаачлагыг өрнүүлж, тодорхой ажил зохиох шаардлагатай байна.  | |
|
| |
| Total comments: 0 | |